مصير القلب يتناسى ولابـد الجـروح تـروح
وتسكت بعض أحزاني وينطق سعدي الصامـت
حرام آعيش متفائل ؟! حرام أجمع بقايا روح؟!
حرام أصحّّي آمال ٍ ورا الأضلاع قـد نامـت؟!
تعبت آقول أنا مجروح آنا مجروح أنا مجـروح
أنا مجـروح وحظوظـي تعاندنـي ولا قامـت
أذوق المر فسكاتي وذوق الحنظلة في البـوح
وأشوف الموت لا منّي ذكـرت أيـام مادامـت
طموحاتي / أدوّرها / لقيت (أصغر طموح) ينوح
كسير ومنزوي / خايف تميته نظـرة الشامـت
وسماي اللي بروق السعد فيها من سنين تلـوح
كستها غيمة الفرقى وغربان الاسـى حامـت!
بنيت صْروح لاْحلامي..وأيامي تهـدّ صْـروح
كذبت وقلت:ما رامت..ولكن للأسف رامـت..!!
انا اْهديت الزمن بسمه..وبادل بسمتي بجـروح
ولكنّي على رجـوى تعـوّد فرحـة/ن شامـت
مصير الحظ يضحك لي..ولابد الجروح تْْـروح
وينطق سعدي اللي كم ترقّبتـه وهـو صامـت
انشاء الله تعجبكم
ردحذفالســلامـ عليكمـ ..
ردحذفحبيتـ أرد .. على قصيدتكـ ..
بقصيدتي المتواضعة .. أن شاء الله تعجبكـ
أغترب صوتي و لا عاد لي ضمير يبوح
.. البسمه أسمعهـا توصيني بالأمل لا ماتت
الدمع يبقى يرسم داخل القلب جروح
.. و الروح تتمنى الموت لو في العمر طالت
يدينـ تجمع شتاتي بهـا ليلي أقضيهـ نــوح
.. سنين أنتظر و الأماني في صداها تاهت
كطير أرتمى بالهم مزدحمه أنفآسه مطروح
.. يفتقد حضن لمه لو الدنيا به ثواني ضاقت
على قفى الذكرى أودع أحلامي أراقبها تروح
.. حظي أيامي يقومهـا حزون و ضيقه لا نامت
تحلم بقلب من الاسى خالي و تواليه الروح
.. تبي تضحكـ و لا تغص بالبكـى لو للفـرح ذاقت
تتمنى تهيمـ في العشق و ينقال فيكـ بالهوى مملوح
.. و تعرف ألوان السعاده لا من على الدنيا بانت
تحس بالهنا في عمرك و همومك يبنى لهـا ضروح
.. تغمض عيونك لا صحيت للحبيب شافت
ذكريات بالزين مجموعه لهـا عطر في البال يفوح
.. تخنق عبرتكـ و تعيشكـ حلم فيك عمر دامت
ودعت حلمي ووعدني قبل مايترك في الحشي ردوح
.. ملتقي أنـا وياهـ من يومهـا أنتظر و أقول هانت
أصبر قلب ولهـان ماكان بالعنى و الغم مفضوح
.. بكره تنمحي السحايب السود و تصير كانت
مدونتي
http://smilyemi.blogspot.com/