ياحسبــي الله .. هالــزمـن وش يبيـبي
مايـدري اني كـل ماجـيت ابا اقـوم
ينهــد حـيلــي مـن ردات الـنـصـيـبـي .!
النـاس مـاتدري وش يصيـر بي دوم
مـاهـمهـم الا.. كـــذا اكــــــثار عـيبي
وحـيد ( يايمـه ) وانا منـك محـروم
.عجزت لا القــى فـي زمـاني صحيبي !!
تخيلـي .! من غيبتك لـين .. ذا اليـوم
محـد يـرد الحــق .. محـد يجـيبي
محدن سأل عن ضيقة انسان مضيوم
ولاحـد سمـع صـوتي وكـثرة نحـيبي.!
ولاحـد تعجـب ليـه شاعـر وملجوم
.وليـة اكتسـاه الشـيب .. قبل المـشيبي
وليه الأقارب كـثرو عني .. علـوم
.مع اني اكـثر شخص احشـم قـريبي .!
ليه الأماني صارت .. احلام موهوم
.مثـل الظـلام .. اللـي يهـدد مغـيبي
عيني يحارب جفنها .. لـذة النوم
في كـل ليـله هــاجسـي .. محتفيبي
ماهو كـذا .. ياحـظ تكـثربي اللـوم
.وانا علـى نفسـي ابــدي صحـيبي .!
اشوفـني بالناس .. تايـه و مظلوم
منهـو سبب ضيعت .. دواي وطبيبي
مايخـتلف ياحـظ لـو قلـت مـرحوم
.ان عـشت ولا مـت .. محـد دريبي.!
كبرتني شاعـر .. وسمعولي القوم
وهيجنت جرح بصدري عطيبي
ولـدت بالـدنيا شقـين ومهمـوم
..الـشـكــوى لله .. دام هــذا نصـيـبـي
ليست هناك تعليقات:
إرسال تعليق